26. september

Poll without page-refresh

Article on other languages:

26. september er 269. dagur ársins (270. á hlaupári) samkvæmt gregoríska tímatalinu. 96 dagar eru eftir af árinu.

Atburðir

1580 - Francis Drake lauk hnattsiglingu sinni þegar Gullna hindin kom til hafnar í Plymouth.
1915 - Við Stjórnarráðshúsið í Reykjavík var afhjúpaður minnisvarði um Kristján 9. konung á afmælisdegi Kristjáns 10.. Styttan, sem er eftir Einar Jónsson, sýnir konung með stjórnarskrána í framréttri hendi.
1939 - Við Raufarhöfn neyddist bresk Catalina-sjóflugvél til að lenda vegna þoku.
1942 - Ríkið lagði niður einkasölu sína á bifreiðum, sem það hafði haft í sjö ár.
1950 - Vegna mengunar í lofti var dimmt fram eftir degi á landinu og virtist sólin vera bláleit. Talið var að þetta stafaði frá eldgosi á Filippseyjum eða af skógareldum í Norður-Ameríku.

1959 - Í Reykjavík mældist metúrkoma á einum sólarhring, 49,2 millimetrar.
1960 - Á leið sinni vestur um haf kom Harold Macmillan, forsætisráðherra Breta, við á Keflavíkurflugvelli og ræddi við starfsbróður sinn, Ólaf Thors, um landhelgismálið.
1969 - Ellefta breiðskífa Bítlanna, Abbey Road, kom út í London.
1970 - Íslensk flugvél fórst á Mykinesi í Færeyjum. Þetta var Fokker Friendship farþegavél frá Flugfélagi Íslands og voru 30 farþegar um borð auk fjögurra manna áhafnar. Átta manns fórust, þar af einn Íslendingur.
2006 - Á bilinu 10-15 þúsund manns gengu mótmælagöngu niður Laugaveg til þess að mótmæla stóriðjustefnu ríkisstjórnarinnar. Þetta voru talin vera fjölmennustu mótmæli á Íslandi frá 24. maí 1973.
2008 - Gengisvísitala íslensku krónunnar fór upp í 183,91 stig og hafði þá aldrei verið hærri. Krónan hafði aldrei verið lægri gagnvart evrunni (1/140,96) og ekki lægri gangvart bandaríkjadal síðan árið 2002 (1/96,80).

Mánuðirnir samkvæmt Gregoríska og Júlíska tímatalinu auk dagafjölda þeirra
Janúar (31) \| Febrúar (28 (29 á hlaupári)) \| Mars (31) \| Apríl (30) \| Maí (31) \| Júní (30) \| Júlí (31) \| Ágúst (31) \| September (30) \| Október (31) \| Nóvember (30) \| Desember (31)

More about 26._september: 26 louis ram september st, 2006 26 september,

This article is from Wikipedia. All text is available under the terms of the GNU Free Documentation License.