17. öld

Poll without page-refresh

Article on other languages:

Árþúsund:	2. árþúsundið
Aldir:	16. öldin - 17. öldin - 18. öldin
Áratugir:	Fyrsti Annar Þriðji Fjórði Fimmti Sjötti Sjöundi Áttundi Níundi Tíundi
Flokkar:	Fædd - Dáin Stofnað - Lagt niður

17. öldin er tímabilið frá byrjun ársins 1601 til loka ársins 1700. Venjulega er sagnfræðilega tímabilið nýöld sagt hefjast um miðja 17. öld.

Helstu atburðir og aldarfar

Fyrsta varanlega nýlenda Englendinga í Nýja heiminum, Virginía, var skírð í höfuðið á „meydrottningunni“, Elísabetu I, og fyrsta landnemabyggðin Jamestown í höfuðið á Jakobi I. Skipið Mayflower flutti þangað pílagríma frá Plymouth árið 1621, en það var hugsanlega áður notað sem fiskiskip á Íslandsmiðum.

Vísindabyltingin átti sér stað á tímabilinu og raunhyggja varð ráðandi í vísindum.
Kaupauðgisstefnan var ríkjandi hugmyndafræði í viðskiptum. Verslun og iðnaður voru bundin sérréttindum sem fengust með leyfisbréfum.
Einveldishugmyndir voru áberandi í konungsríkjum Evrópu. Lénsveldi og aðli hnignaði en ríkisvald styrktist.
Þrjátíu ára stríðið átti sér stað í Evrópu frá 1618-1648.
Blómaskeið sjóræningja var á seinni hluta aldarinnar, sérstaklega í Karíbahafi.
Ottómanar ríktu yfir Miðjarðarhafi og vald Englendinga óx á Atlantshafinu, en nýlendustórveldin Spánn og Portúgal veiktust.
Hreintrúarstefna (púritanismi) var áberandi á fyrri hluta aldarinnar, en heittrúarstefna (píetismi) á þeim síðari í löndum mótmælenda.
Galdrafárið náði hámarki og lauk undir lok tímabilsins, en tímabilið frá 1654-1690 er oft kallað brennuöld í Íslandssögunni, þegar menn voru brenndir á báli fyrir kukl.
Jedótímabilið, eða lénsveldi samúræja hefst í Japan árið 1603.
Í Kína tók Mansjútímabilið við af Mingtímabilinu árið 1644.
Upphaf upplýsingarinnar er seint á öldinni.

Ár og áratugir 17. aldar

This article is from Wikipedia. All text is available under the terms of the GNU Free Documentation License.